VicksWeb upgrade Location upload ads trending
VicksWeb भारत

वर आपले स्वागत आहे VicksWeb

Flag Counter
हेमचंद्र बंदोपाध्याय
Source:  PRAHAAR
Thursday, 24 May 2018 02:29

राष्ट्रप्रेम, धर्मनिष्ठा, संवेदनशीलता व कुशाग्र बुद्धिमत्ता यांचे संचित लाभलेले बंगाली भावकवी हेमचंद्र बंदोपाध्याय यांचा आज स्मृतिदिन. दि. १७ एप्रिल १८१८ रोजी गुलिटा राजवल्लभघाट (जि. हुगली) या गावी त्यांचा जन्म झाला. कायद्याचे पदवीधर असलेल्या हेमचंद्रांनी विद्यार्थिदशेतच कविता करण्यास सुरुवात केली होती. त्यांच्या कवितांवर अठराव्या शतकातील कवी भारतचंद्र व इंग्रजीतील स्वच्छंदतावादी कवींचा प्रभाव होता. आपल्या मित्राच्या आत्महत्येवर त्यांनी लिहिलेल्या ‘चितातरंगिणी’ या कवितेमुळे ते प्रसिद्धीच्या झोतात आले. ‘वीरबाहू’ या त्यांच्या काव्यातून जाज्वल्य देशभक्ती, भाषाप्रभुत्व व छंदावरील हुकूमत जाणवते. ‘कवितावली’ हा त्यांचा गाजलेला कवितासंग्रह. रवींद्रपूर्व काळातील बंगाली भावकवितेच्या प्रांतात मानाचे स्थान मिळवलेले हे हेमचंद्र बंदोपाध्याय. दि. २४ मे १९०३ रोजी त्यांचे निधन झाले. आज त्यांचा स्मृतिदिन.


राशीभविष्य, २४ मे २०१८
Source:  PRAHAAR
Thursday, 24 May 2018 00:05

दैनंदिन राशीभविष्य…

मेष- आचारसंहितेचे धडे द्याल.
वृषभ- वरिष्ठांना खूश ठेवाल.
मिथुन- रीतीरिवाजांचे पालन कराल.
कर्क- सरकार-दरबारी गौरवले जाल.
सिंह– वक्तव्य प्रभावी होईल.
कन्या– विनोदी लिखाण होईल.
तूळ– सुवार्ता समजतील.
वृश्चिक– कृतीने वाहवा मिळवाल.
धनू– दौरे यशस्वी होतील.
मकर– तुमचे यश दिसेल.
कुंभ– परिसरात आदरणीय असाल.
मीन– मैफली गाजवाल.


कोलकात्याची राजस्थानवर मात; आता लढत हैदराबादशी!
Source:  Maharashtra Times
Wednesday, 23 May 2018 23:09


फोटोगॅलरी: कर्नाटकात २०१९च्या लढाईची नांदी
Source:  Maharashtra Times
Wednesday, 23 May 2018 23:07

कर्नाटकचे नवे मुख्यमंत्री कुमारस्वामी यांच्या शपथविधी सोहळ्यात विरोधी पक्षांची एकजूट पाहायला मिळाली. यूपीएतील घटक पक्षांसह देशातील प्रमुख प्रादेशिक पक्षांचे नेते व्यासपीठावर एकवटले. २०१९च्या लोकसभा निवडणुकांच्या पार्श्वभूमीवर भाजपसाठी ही विरोधकांची एकजूट सर्वात मोठे आव्हान ठरू शकते.

कोहलीने पंतप्रधान मोदींना दिलं 'हे' चॅलेंज...
Source:  Maharashtra Times
Wednesday, 23 May 2018 22:54


सीमेवर युद्धसदृश स्थिती
Source:  PRAHAAR
Wednesday, 23 May 2018 22:02

जम्मू-काश्मीरमध्ये नियंत्रण रेषेजवळ पाकिस्तानी सैन्याकडून वारंवार शस्त्रसंधीचे उल्लंघन करण्यात येत आहे.

श्रीनगर- जम्मू-काश्मीरमध्ये नियंत्रण रेषेजवळ पाकिस्तानी सैन्याकडून वारंवार शस्त्रसंधीचे उल्लंघन करण्यात येत आहे. अर्निया आणि सांबा सेक्टरनंतर आता आरएसपुरा सेक्टरला पाकिस्तानी सैन्याने लक्ष्य केले. बुधवारी सकाळपासून गोळीबार करण्यात येत असून, त्यात आतापर्यंत चार नागरिक ठार झाले आहेत. सीमेवर सध्या युद्धसदृश स्थिती असून सीमेलगतच्या नागरिकांचे स्थलांतर करण्यात आले आहे.

पाकिस्तानी लष्कराने मंगळवारीही जम्मू परिसरात आंतरराष्ट्रीय सीमेला लागून असलेल्या वस्त्या आणि लष्कराच्या चौक्यांना लक्ष्य केले होते. त्यात २० जण जखमी झाले होते. पाकिस्तान आरएसपुरा, अरनिया, रामगड, सांबा आणि हिरानगरमध्ये आठ दिवसांपासून शस्त्रसंधीचे उल्लंघन करत आहे.

बीएसएफ त्याला सडेतोड प्रत्युत्तर देत आहे. पाकिस्तानकडून होणा-या गोळीबारामुळे सुमारे ४० हजार लोकांनी स्थलांतर केले आहे. सरकारने तयार केलेल्या शिबिरांमध्ये किंवा नातेवाईकांच्या घरात ते राहत आहेत. या परिसरातील शाळाही बंद करण्यात आल्या आहेत.

पुलिस अधिका-यांनी दिलेल्या माहितीनुसार, पाकिस्तानी रेंजर्स मोर्टार आणि बॉम्बने अंधाधुंद फायरिंग करत आहेत. अ‍ॅटोमॅटिक आणि लहान शस्त्रांचा वापरही केला जात आहेत.

कठुआ जिल्ह्यातील हिरानगरमध्ये बुधवारी सकाळी सीमेपलिकडून गोळीबार करण्यात आला. त्यात लोंदी परिसरातील नागरिक राम पॉल जखमी झाले. त्यांना जम्मूतील सरकारी रुग्णालयात दाखल करण्यात आले होते. तेथे उपचारादरम्यान त्यांचा मृत्यू झाला.

पाकिस्तानकडून उखळी तोफांचा माराही करण्यात येत आहे. त्यामुळे सुरक्षा दलांनी आरएसपुरा, अर्निया आणि सांबा सेक्टरमध्ये आणखी काही बुलेटप्रुफ वाहने पाठवली आहेत.

ग्रेनेड हल्ल्यातून महाराष्ट्रातील पाच आमदार बचावले!

काश्मीर येथे पंचायत राज समितीच्या कामकाजाचा अभ्यास करण्यासाठी गेलेल्या महाराष्ट्रातील पाच आमदारांवर अतिरेक्यांनी जोरदार हल्ला केला. मात्र सुदैवाने हे पाचही आमदार अतिरेक्यांच्या ग्रेनेड हल्ल्यातून बचावले आहेत. शिक्षक आमदार विक्रम काळे, तुकाराम काते, सुरेश अप्पा पाटील, सुधीर चव्हाण आणि सुधीर पारवे अशी या आमदारांची नावे आहेत.

काश्मीरच्या अनंतनाग जिल्ह्यात बुधवारी दुपारी एकच्या दरम्यान ही घटना घडली. शिक्षक आमदार विक्रम काळे, तुकाराम काते, सुरेश अप्पा पाटील, सुधीर चव्हाण आणि सुधीर पारवे हे पाचही आमदार अनंतनाग येथून जात होते. त्यांच्यासोबत एकूण २० जण होते. त्यांना पोलीस संरक्षणही देण्यात आले होते.

यासंदर्भात आमदार विक्रम काळे यांनी सांगितले की, दुपारी आमचा ताफा श्रीनगरकडे जात असताना अचानक टायर फुटल्याचा आवाज आला. त्यामुळे लोक सैरावैरा पळू लागले. आम्हीही घाबरून गेलो. आमच्या चालकाने सुसाट गाडी चालवली. बरेच अंतर कापल्यानंतर आम्ही गाडी थांबवली. तेव्हा आमच्या गाडीचे दोन्ही टायर फुटलेले होते. शिवाय बंदुकीच्या गोळ्या लागल्यानंतर निर्माण व्हावीत तशी छिद्रे आमच्या गाडीला झाली होती. आमच्या सोबत असणारे अधिकारी गाडीत लपल्याने त्यांना गोळ्या लागल्या नाहीत.

दरम्यान, श्रीनगरमध्ये आल्यानंतर आम्ही हा सर्व प्रकार तिथल्या जिल्हाधिका-याला सांगितला. त्यामुळे त्यांनी तत्काळ आमच्या संरक्षणात वाढ केली. आम्ही सर्व सुखरूप असून कोणालाही कसलीही इजा झाली नाही, असेही त्यांनी सांगितले.


भाजपला ४२९ जागांची चिंता
Source:  PRAHAAR
Wednesday, 23 May 2018 21:59

कर्नाटकात जेडीएसचे नेते एच. डी. कुमारस्वामी यांच्या नेतृत्वाखाली सरकार स्थापन होत असताना सर्व विरोधकांनी दाखविलेली एकजूट कायम राहिल्यास देशातील लोकसभेच्या ४२९ जागा कशा जिंकायच्या असा मोठा प्रश्न भाजपला पडू शकतो.

नवी दिल्ली- कर्नाटकात जेडीएसचे नेते एच. डी. कुमारस्वामी यांच्या नेतृत्वाखाली सरकार स्थापन होत असताना सर्व विरोधकांनी दाखविलेली एकजूट कायम राहिल्यास देशातील लोकसभेच्या ४२९ जागा कशा जिंकायच्या असा मोठा प्रश्न भाजपचे राष्ट्रीय अध्यक्ष अमित शाह आणि पंतप्रधान नरेंद्र मोदी यांना पडू शकतो. देशातील २० राज्यांत भाजपचा झेंडा फडकवताना ‘काँग्रेसमुक्त भारत’च्या त्यांच्या स्वप्नांना कर्नाटकात अडथळा निर्माण झाला असल्याने विरोधकांचे प्राबल्य ठरणा-या १३ राज्यांतील ४२९ जागा जिंकण्याचे मोठे आव्हान मोदी-शाह जोडीसमोर उभे राहणार आहे.

कर्नाटक विधानसभा निवडणुकीत भाजप सर्वात मोठा पक्ष ठरला, पण त्यांच्या हातातोंडाशी आलेला घास हिरावला गेला. बी. एस. येडियुरप्पांना अडीच दिवसांत मुख्यमंत्रीपद सोडावे लागले. बहुमत चाचणीआधीच त्यांनी राजीनामा दिला आणि भाजपा तोंडावर आपटली. भाजपाला सत्तेपासून दूर ठेवण्यासाठी, एकमेकांचे कट्टर शत्रू असणा-या काँग्रेस-जेडीएसने आघाडी करून सत्ता स्थापन केली. यानिमित्ताने देशभरातील भाजप विरोधक एकत्र आले. २०१९च्या लोकसभा निवडणुकीत मोदी-शाह यांना रोखण्याचा विडाच त्यांनी उचलला आहे.

महाराष्ट्र (एकूण जागा ४८) : लोकसभा निवडणूक एकत्र लढवण्याचे संकेत काँग्रेस-राष्ट्रवादीने दिले आहेत. त्यासोबतच, भाजपावर कुरघोडी करण्यासाठी झटणारी शिवसेनाही स्वबळावर लढली, तर भाजपाला मोठा फटका बसू शकतो.

बिहार (एकूण जागा ४०) : नितीशकुमार रालोआत आल्याने २०१९ मध्ये बिहारमधील आकडा आणखी वाढवण्यासाठी मोदी-शहा मोर्चेबांधणी करत होते. परंतु, आता काँग्रेस-राजदची एकी त्यांना टक्कर देऊ शकते. मोदींच्या पराभवासाठी काँग्रेस नेते लालूंना टाळी द्यायला कचरणार नाहीत.

उत्तर प्रदेश (एकूण जागा ८०) : २०१४ मध्ये उत्तर प्रदेशने मोदी-शहांना भक्कम साथ दिली होती. त्यानंतर, उत्तर प्रदेशातील विधानसभा निवडणुकीतही जनतेने भाजपाला कौल दिला होता. परंतु, अलीकडेच झालेल्या फुलपूर आणि गोरखपूर पोटनिवडणुकीत अखिलेश-माया एकत्र आले आणि भाजपचा पराभव झाला. त्यामुळे २०१९ मध्ये काँग्रेस-सपा-बसपाची आघाडी झाल्यास ८० पैकी ७३ जागा जिंकणा-या भाजपाला मोठा फटका बसू शकतो.

पश्चिम बंगाल (एकूण जागा ४२) : तृणमूल काँग्रेसचा, ममता बॅनर्जी यांचा गड मानल्या जाणा-या पश्चिम बंगालमध्ये मुसंडी मारण्याचा भाजपाची रणनीतीही फ्लॉप ठरू शकते. काँग्रेस-तृणमूल एकत्र येतीलच, पण डावेही त्यांना साथ देऊ शकतात. तसे झाल्यास मोदी-शहांच्या अडचणी वाढतील.

कर्नाटक (एकूण जागा २८) : कर्नाटकमध्ये लोकसभा निवडणुकीत फायदा व्हावा या हेतूने येडियुरप्पांनी राजीनामा देताना भावनिक साद घातली आहे. परंतु, काँग्रेस-जेडीएस २०१९ मध्येही एकत्र मैदानात उतरले तर सगळीच समीकरणे बदलण्याची शक्यता आहे.

त्याशिवाय, तामिळनाडूमध्ये अण्णा द्रमुकच्या साथीने पाय रोवण्याचे भाजपाचे मनसुबे उधळण्यासाठी काँग्रेस-द्रमुक युती करू शकतात. ओडिशामध्येही बीजू जनता दल आणि काँग्रेस यांच्यात तह होऊ शकतो. दुसरीकडे, रालोआची साथ सोडणारा तेलुगू देसम पक्षही काँग्रेसच्या मदतीला जाऊ शकतो. झारखंडमध्ये काँग्रेस आणि झारखंड मुक्ती मोर्चाने आधीच हातमिळवणी केली आहे, तर जम्मू-काश्मीरमध्ये नॅशनल कॉन्फरन्स आणि काँग्रेस एकत्र येण्याची चिन्हे आहेत.

हे सगळी गणिते बघता, लोकसभेच्या ४२९ जागांसाठी रणनीती आखताना मोदी-शहा आणि त्यांच्या टीमची चांगलीच दमछाक होणार आहे. अर्थात, कुमारस्वामींच्या शपथविधी सोहळ्यात विरोधकांनी दाखवलेली एकजूट किती काळ टिकते, यावरच भाजपचे भवितव्य अवलंबून आहे.


विधान परिषदेवर कोणाची वर्णी?
Source:  PRAHAAR
Wednesday, 23 May 2018 21:52

स्थानिक स्वराज्य संस्थांमधून विधान परिषदेवर निवडून द्यावयाच्या सहा जागांसाठी २१ मे रोजी झालेल्या निवडणुकीतील पाच जागांची मतमोजणी शुक्रवारी होणार आहे.

मुंबई- स्थानिक स्वराज्य संस्थांमधून विधान परिषदेवर निवडून द्यावयाच्या सहा जागांसाठी २१ मे रोजी झालेल्या निवडणुकीतील पाच जागांची मतमोजणी शुक्रवारी होणार आहे, तर बीड-लातूर-उस्मानाबाद या मतदारसंघाच्या निकालाकडे संपूर्ण राज्याचे लक्ष लागून राहिलेले असताना निवडणूक आयोगाने येथील मतमोजणी पुढे ढकलली आहे.

लोकसभा आणि विधानसभेच्या सार्वत्रिक निवडणुका तोंडावर आलेल्या असताना झालेल्या या विधान परिषदेच्या निवडणुका सर्वच पक्षांनी प्रतिष्ठेच्या केल्या होत्या. रायगड-रत्नागिरी-सिंधुदुर्ग या मतदारसंघात राष्ट्रवादीचे अनिकेत तटकरे, शिवसेनेचे राजीव साबळे यांच्यात लढत झाली. नाशिक मतदारसंघात शिवसेनेचे नरेंद्र दराडे, राष्ट्रवादी काँग्रेसचे शिवाजी सहाणे आणि अपक्ष परवेझ कोकणी यांच्यात सामना रंगला होता. परभणी-हिंगोलीमध्ये शिवसेनेचे विप्लव बजोरिया आणि काँग्रेसचे सुरेश देशमुख यांच्यात लढत झाली. तर अमरावतीमध्ये राज्यमंत्री प्रवीण पोटे आणि काँग्रेसचे अनिल माधोगाडिया हे दोघे मैदानात होते. चंद्रपूर-गडचिरोली-वर्धा येथे भाजपचे रामदास आंबटकर आणि काँग्रेसचे इंद्रकुमार सराफ यांनी आपले राजकीय भवितव्य अजमाविले. सर्वात लक्षवेधी निवडणूक लातूर-बीड-उस्मानाबाद मतदारसंघात झाली. येथे माजी राज्यमंत्री सुरेश धस हे भाजपचे उमेदवार आहेत, तर अपक्ष अशोक जगदाळे यांना काँग्रेस-राष्ट्रवादीने पुरस्कृत केले आहे. अचानक येथील मतमोजणी निवडणूक आयोगाने पुढे ढकलली आहे.

स्थानिक स्वराज्य संस्था मतदारसंघातील सहा मतदारसंघात निवडणूक झालेली असली तरी सर्वात नाटय़मय घटना लातूर-बीड-उस्मानाबाद मतदारसंघात पाहायला मिळत आहे. या मतदारसंघाकडे संपूर्ण राज्याचे लक्ष लागून राहिलेले असताना इथली मतमोजणी पुढे लढण्याचा निर्णय निवडणूक आयोगाने घेतला आहे.

लातूर-बीड-उस्मानाबाद या मतदारसंघात निवडणुकीचे अर्जदाखल करण्यापासूनच नाटय़मय घटना घडत आहेत. सुरुवातीला धनंजय मुंडे यांनी पंकजा मुंडे यांचे मानलेले भाऊ म्हणून ओळखल्या जाणा-या रमेश कराड यांना राष्ट्रवादीत घेऊन उमेदवारी दिली होती. तेव्हा पंकजा मुंडे यांना मोठा धक्का मानण्यात येत होता. मात्र अर्जमागे घेण्याच्या दिवशी रमेश कराड यांनी अचानक उमेदवारी मागे घेतल्याने हा धनंजय मुंडे यांना मोठा धक्का दिल्याची चर्चा होती. तेव्हा धक्का कुणी पक्ष सोडून गेल्यामुळे बसत नाही, तर प्रत्यक्ष निकाल लागल्यानंतर तो बसत असतो, असे वक्तव्य धनंजय मुंडे यांनी केले होते. आता तो धक्का नेमका कुणाला बसणार हे मतमोजणीनंतर स्पष्ट होणार असे वाटत असतानाच मतमोजणी पुढे लढकली आहे.

या निवडणुकी दरम्यान काही कायदेशीर घडामोडीही घडल्या. सुरेश धस राष्ट्रवादी पक्षात असताना त्यांचे समर्थक सहा जिल्हा परिषद सदस्य निवडून आले होते. त्यांनी जिल्हा परिषद अध्यक्षपदाच्या निवडणुकीत पक्षाचा व्हीप जुगारून भाजपाच्या उमेदवाराला मतदान केले होते. त्यामुळे पक्षांतर्गत बंदी कायद्याप्रमाणे त्यांचे सदस्यत्व रद्द करण्याचा निर्णय निवडणुकीच्या काळातच न्यायालयाने दिला होता. मात्र हा निर्णय देत असताना पुन्हा ग्रामविकास मंत्र्यांनी सुनावणी घ्यावी, असे निर्देश न्यायालयाने दिले होते. त्यावर ग्रामविकास मंत्री पंकजा मुंडे यांनी लगेच सुनावणी घेऊन न्यायालयाच्या निर्णयाला स्थगिती देऊन ‘त्या’ सदस्यांना मतदान करता येईल, असा निर्णय दिला. बीड नगराध्यक्षांच्या अंगावर कचरा टाकल्या प्रकरणी राष्ट्रवादीच्या ११ सदस्यांचे नगरसेवकपद रद्द करावे, अशी याचिका नगरविकास विभागाकडे प्रलंबित होती. त्याची सुनावणी राज्यमंत्री डॉ. रणजित पाटील यांनी घेऊन ‘त्या’ अकरा नगरसेवकांचे पद रद्द केले होते. त्यावर राष्ट्रवादी काँग्रेसने निवडणूक आयोगाकडे धाव घेतली होती. तेव्हा निवडणूक आयोगाने मतदार यादी तयार झाली तेव्हा या सदस्यांचे नाव मतदार यादीत होते. तेव्हा त्यांना मतदान करता येईल, असा निर्वाळा दिला होता. त्यावर भाजपाच्या वतीने पुन्हा न्यायालयात धाव घेतली होती. तेव्हा न्यायालयाने या सदस्यांना मतदान करू द्यावे, पण त्यांची मते निर्णयावर परिणाम करीत असतील तर ती गृहीत धरू नये, असा संभ्रम निर्माण करणारा निर्णय दिला होता. या उलट-सुलट घडलेल्या कायदेशीर घडामोडींमुळेच निवडणूक आयोगाने हा निर्णय राखून ठेवला आहे.


निपाह: केरळातील चार जिल्ह्यात जाण्यास मनाई
Source:  Maharashtra Times
Wednesday, 23 May 2018 21:33


२०१९ मध्ये देशात परिवर्तन घडेल; कुमारस्वामींना विश्वास
Source:  Maharashtra Times
Wednesday, 23 May 2018 21:19


<< < Prev 1 2 3 4 5 6 7 8 9 10 Next > >>